اگلی عید سے پہلے نیا پاکستان

اگلی عید سے پہلے نیا پاکستان 

خان صاحب کا تازہ بیان(یہاں تازہ سے مراد پرانے بیان کا نیا ورژن ہے ) کہ اگلی عید سے پہلے نیا پاکستان ضرور بن جاۓ گا ...

ماننا پڑے گا کے خان نیں تھوڑی بہت سیاست سیکھ لی ہے (چھوٹی یا بڑی عید کا ذکر کئیے بغیر) عید کا که کے آرام سے دو ڈھائی ماہ کا مارجن سمیٹ لیا ہے ..

چوری چھپے یہ مارجن ہتھیانا اصل میں خان صاحب کے اندر کی غیر یقینی صورتحال کو بہت حد تک واضع کر گیا ہے ورنہ قمری سال کا سہارا لیے بغیر شمسی کلینڈر کی تاریخ دی جا سکتی تھی .چلیں اگر ہم اگلی بڑی عید بھی سمجھ لیں تو خان صاحب اینڈ کمپنی کے پاس یہ معجزو پایہ تکمیل تک پہنچانے کے لیے تقریباً سوا تین سو دن ہیں (ویسے اتنے دنوں میں تو خان صاحب کے روحانی پیشوا اپنی ہاؤسنگ اتھارٹی کا نیا سیکٹر نہیں بنا سکتے وو بھی سارے وسائل ہونے کے باوجود)  لیکن ہو سکتا ہے خان صاحب کے اندر کوئی زبردست قسم کا پروجیکٹ مینیجر انگڑایاں لے رہا ہو ...

اب میری ناقص سمجھ کے مطابق خان صاحب کے لیے دو سب سے بڑے سنگ میل میں سے ایک تو مرکز اور چاروں صوبوں میں بلا شرکت غیرے اپنی حکومت قائم کرنا اور دوسرا ایک ایسی طلسماتی ٹیم کا بندوبست کرنا جو باقی ماندہ دنوں میں نیا پاکستان تعمیر کرکے (بمہ رنگ روغن کھڑکیاں دروازے) چابی پاکستانیوں کے حوالے کر کے خود عید کی نماز (بمہ خطبہ) سکون کے ساتھ ادا کر سکے ..

مجھے اپنے تمام احباب جو خان صاحب کو فالو کرتے ہیں ان سے ہمدردی میں دن بدن اضافہ ہو رہا ہے اور اس کی وجہ ہے کہ ایک تو عید سے پہلے نیا پاکستان ایک ٹرک کی بتی سے زیادہ کچھ نہیں دوسرا یہ کہ اگر واقعی ایسا ممکن ہوتا تو خیرپختونخوا گزشتہ پانچ سو دس دنوں میں نیا نہ سہی کم از کم مرمت ضرور ہو چکا ہوتا ...حضور والا آپ پاکستان کے سیاسی افق پر ایک خوشگوار اضافے سے ایک بدنما داغ بنتے جا رہے ہیں اور پلیز "داغ تو اچھے ہوتے ہیں" کے چکر میں نہ پڑئیے گا کیونکہ بچوں کے کپڑوں میں اور سیاست میں کم از کم اتنا فرق تو ضرور ہوتا ہے جتنا بچوں میں اور سیاستدانوں میں ہوتا ہے .....